१४ माघ, रामेछाप । रामेछापको लिखु तामाकोशी गाउँपालिका भोलि आइतबार बन्द हुने भएको छ । पालिकासँगै मातहतका वडा कार्यालय पनि बन्द हुने छन् । 

पालिकाले गत शुक्रवार एक सूचना जारी गर्दै आइतबार  पालिकाको दसौँ गाउँ सभा तथा हिउँदे अधिवेशन गर्न लागेकाले सेवा प्रवाह बन्द गरिएको जानकारी दिएको हो । 

‘माघ १५ गते आइतबारका दिन बिहान ११ बजे गाउँ सभा आह्वान गरिएको हुँदा उक्त दिन यस गाउँपालिका र अन्तर्गतका वडा कार्यालयहरूबाट प्रवाह हुने सम्पूर्ण सेवाहरू बन्द गरिएको छ, प्रमुख प्रशासकीय अधिकृत विनोद कुमार अधिकारीले जारी सूचनामा उल्लेख छ ।’

आठ वटा स्थानीय तह रहेको रामेछापका ७ स्थानीय तहले यस अगाडि नै हिउँदे अधिवेशन सम्पन्न गरी सकेका छन् । 

सूचना हेर्नुहोस् ।